I Concurso Gastronómico Galego con la participación de los alumnos del C.I.F.P. Compostela.

Gañadora:
Ma Carmen Bueno Vázquez
Dominga Siaba González

Peituga de Parrulo ao Mel de Galicia desglasado con licor de cilantro e acompañado de témpura de verduras, salteado de cabaza, orellóns e ameixas pasas con crocante de roxóns.

INGREDIENTES (3 racións) Peituga de parrulo, espinacas, allo-porro, cabaza, orellóns, ameixas, pasas, fariña, ovos, lévedo, licor de cilantro, aceite de oliva, manteiga, Mel de Galicia, pementa e sal maldón.

Témpura: xuntar fariña, auga, lévedo, sal e azucre; deixar levedar e arrefriar. As verduras (espinacas e allo-porro) córtanse en xuliana e refóganse en manteiga a lume lento, arrufíanse, fanse bólas con elas, pásanse pola témpura e frítense en aceite quente. Os orellóns e as ameixas déixanse macerar no licor de cilantro e fanse á prancha cun pouco de aceite. A cabaza córtase en lascas e faise á prancha lixeiramente. Móense os roxóns, xúntanse coa clara do ovo, estíranse en papel antigraxo e fanse ao forno ata que queden crocantes. A peituga de parrulo cocíñase a modo en aceite, retírase do recipiente e déixase repousar un momento, filetéase e ponse no prato, salpícase co sal de maldón; na tixola onde se cociñou, bótase un pouco mel, déixase torrar, desglásase co licor e déixase ferver lixeiramente. O prebe resultante bótase por riba da carne e ponse a gornición ao carón.

Consello Regulador Indicación Xeográfica Protexida "Mel de Galicia". Pazo de Quián, s/n. Sergude. 15881 Boqueixón. A Coruña. Tel/Fax. 981511913 / info@mieldegalicia.org